Xo‘jaligingiz samaradorligi va daromadini oshirishni istaysizmi?

YYevropa Ittifoqi tomonidan moliyalashtirilayotgan mazkur loyihada asosiy e’tibor Oʻzbekiston Respublikasining tegishli hududlarida, xususan Toshkent, Samarqand va Andijon viloyatlaridagi tomorqa yer egalari va dehqon xo‘jaliklariga qaratilgan. Fermer xo‘jaliklari hamda boshqa qishloq xo‘jaligi ishlab chiqaruvchilari ham ular bilan bir tashabbuskor guruh tarkibida ishtirok etishlari mumkin. Loyiha ishtirokchilarni qishloq xo‘jaligi kooperativlarini tashkil etish yoki rivojlantirish uchun birlashishga taklif etadi. Birgalikda hamkorlik qilish orqali ishtirokchilar xarajatlarni kamaytirish, tajriba almashish, bozor talabiga mos mahsulotlarni yetishtirish va sotish imkoniyatlarini kengaytirishlari mumkin.

Loyihada ishtirok etsangiz, qanday imkoniyatlarga ega bo‘lasiz?

• Qishloq xo‘jaligi kooperativini tashkil etish yoki rivojlantirish va hamkorlik rejasini ishlab chiqishda ko‘mak.
• Xo‘jalik samaradorligini oshirish, rejalashtirish, hisob-kitob, boshqaruv, sifat talablari va sertifikatlashtirish bo‘yicha amaliy maslahat va o‘quv mashg‘ulotlari.
• Latviya qishloq xo‘jaligi kooperativlari bilan tajriba almashish, shuningdek, tanlab olingan ishtirokchilar uchun loyiha tartib-taomillariga muvofiq Yevropa Ittifoqi mamlakatlariga o‘quv tashrifi.
• Ishtirokchi guruhlar orasidan tanlab olingan kooperativlarga loyiha qoidalariga muvofiq 100 000 yevrogacha moliyaviy ko‘mak ajratilishi mumkin.

Kimlar ishtirok etishi mumkin?

Mazkur ochiq tanlov Toshkent, Samarqand va Andijon viloyatlarida faoliyat yuritayotgan tomorqa yer egalari va dehqon xo‘jaliklari uchun mo‘ljallangan. Fermer xo‘jaliklari, qishloq xo‘jaligi kooperativlari, qishloq xo‘jaligi korxonalari (MChJ, AJ va boshqa shakllar) hamda boshqa qishloq xo‘jaligi ishlab chiqaruvchilari ular bilan bir tashabbuskor guruh tarkibida ishtirok etishlari mumkin. Ishtirokchilarning tashkiliy-huquqiy shakli yoki tadbirkorlik maqomi cheklov hisoblanmaydi.

Norasmiy tashabbuskor guruhlar, shuningdek, 2025 yilning ikkinchi yarmida yoki undan keyin davlat ro‘yxatidan o‘tkazilgan qishloq xo‘jaligi kooperativlari ham ariza topshirishlari mumkin.

Muhim eslatma: Tanlab olingan norasmiy tashabbuskor guruhlar qishloq xo‘jaligi kooperativini qonunchilikda belgilangan tartibda tashkil etish va davlat ro‘yxatidan o‘tkazishga tayyor bo‘lishlari shart. Mazkur talab ariza topshirish vaqtida davlat ro‘yxatidan o‘tgan qishloq xo‘jaligi kooperativlariga nisbatan tatbiq etilmaydi. Loyiha jamoasi ushbu jarayon davomida zarur yo‘l-yo‘riq va ko‘mak beradi.

Ariza topshirish tartibi

1. Kamida yetti nafar ishtirokchidan iborat tashabbuskor guruh tuzing.
2. Birgalikda amalga oshirmoqchi bo‘lgan faoliyatingiz va uning iqtisodiy asoslarini kelishib oling.
3. Ariza shaklini guruh bo‘lib to‘ldiring. Ariza shakli test emas: loyiha maslahatchilari savollarni tushuntirib berishlari mumkin, ammo hamkorlik g‘oyasi guruhning o‘zi tomonidan ishlab chiqilishi va kelishilishi lozim.
4. To‘ldirilgan arizani 2026 yil 30 oktabrga qadar Asosiy guruh koordinatori Oybek Shukurovga Telegram orqali @dro_y_s akkauntiga yuboring. Arizani qo‘lda to‘ldirsangiz, topshirish tartibini kelishish uchun +998 90 322 11 74 raqamiga qo‘ng‘iroq qiling.

Muhim: Ishtirok etish ixtiyoriy va bepul. Ariza topshirish hech qanday huquqiy yoki moliyaviy majburiyatni keltirib chiqarmaydi hamda tanlab olish, moliyalashtirish yoki alohida moliyaviy yordam olishni kafolatlamaydi.

Arizalar 2026 yil 30 oktabrga qadar qabul qilinadi.

Qo‘shimcha ma’lumot va bog‘lanish uchun

Ariza shakli, tanlov shartlari va loyiha yangiliklari uchun @LVUZFarmCoop Telegram kanaliga obuna bo‘ling. Savollar bo‘yicha quyidagi mas’ullar bilan bog‘lanishingiz mumkin:

Oybek Shukurov (Asosiy guruh koordinatori): +998 90 322 11 74 | Telegram: @dro_y_s

Aktam Azizov (Soha eksperti): +998 99 051 43 12 | Telegram: @azizovaktam

Хўжалигингиз самарадорлиги ва даромадини оширишни истайсизми?

Европа Иттифоқи томонидан молиялаштирилаётган мазкур лойиҳада асосий эътибор Ўзбекистон Республикасининг тегишли ҳудудларида, хусусан Тошкент, Самарқанд ва Андижон вилоятларидаги томорқа ер эгалари ва деҳқон хўжаликларига қаратилган. Фермер хўжаликлари ҳамда бошқа қишлоқ хўжалиги ишлаб чиқарувчилари ҳам улар билан бир ташаббускор гуруҳ таркибида иштирок этишлари мумкин. Лойиҳа иштирокчиларни қишлоқ хўжалиги кооперативларини ташкил этиш ёки ривожлантириш учун бирлашишга таклиф этади. Биргаликда ҳамкорлик қилиш орқали иштирокчилар харажатларни камайтириш, тажриба алмашиш, бозор талабига мос маҳсулотларни етиштириш ва сотиш имкониятларини кенгайтиришлари мумкин.

Лойиҳада иштирок этсангиз, қандай имкониятларга эга бўласиз?

• Қишлоқ хўжалиги кооперативини ташкил этиш ёки ривожлантириш ва ҳамкорлик режасини ишлаб чиқишда кўмак.
• Хўжалик самарадорлигини ошириш, режалаштириш, ҳисоб-китоб, бошқарув, сифат талаблари ва сертификатлаштириш бўйича амалий маслаҳат ва ўқув машғулотлари.
• Латвия қишлоқ хўжалиги кооперативлари билан тажриба алмашиш, шунингдек, танлаб олинган иштирокчилар учун лойиҳа тартиб-таомилларига мувофиқ Европа Иттифоқи мамлакатларига ўқув ташрифи.
• Иштирокчи гуруҳлар орасидан танлаб олинган кооперативларга лойиҳа қоидаларига мувофиқ 100 000 еврогача молиявий кўмак ажратилиши мумкин.

Кимлар иштирок этиши мумкин?

Мазкур очиқ танлов, Тошкент, Самарқанд ва Андижон вилоятларида фаолият юритаётган томорқа ер эгалари ва деҳқон хўжаликлари учун мўлжалланган. Фермер хўжаликлари, қишлоқ хўжалиги кооперативлари, қишлоқ хўжалиги корхоналари (МЧЖ, АЖ ва бошқа шакллар) ҳамда бошқа қишлоқ хўжалиги ишлаб чиқарувчилари улар билан бир ташаббускор гуруҳ таркибида иштирок этишлари мумкин. Иштирокчиларнинг ташкилий-ҳуқуқий шакли ёки тадбиркорлик мақоми чеклов ҳисобланмайди. Норасмий ташаббускор гуруҳлар, шунингдек, 2025 йилнинг иккинчи ярмида ёки ундан кейин давлат рўйхатидан ўтказилган қишлоқ хўжалиги кооперативлари ҳам ариза топширишлари мумкин. 

Муҳим эслатма: Танлаб олинган норасмий ташаббускор гуруҳлар қишлоқ хўжалиги кооперативини қонунчиликда белгиланган тартибда ташкил этиш ва давлат рўйхатидан ўтказишга тайёр бўлишлари шарт. Мазкур талаб ариза топшириш вақтида давлат рўйхатидан ўтган қишлоқ хўжалиги кооперативларига нисбатан татбиқ этилмайди. Лойиҳа жамоаси ушбу жараён давомида зарур йўл-йўриқ ва кўмак беради.

Ариза топшириш тартиби

1. Камида етти нафар иштирокчидан иборат ташаббускор гуруҳ тузинг.
2. Биргаликда амалга оширмоқчи бўлган фаолиятингиз ва унинг иқтисодий асосларини келишиб олинг.
3. Ариза шаклини гуруҳ бўлиб тўлдиринг. Ариза шакли тест эмас: лойиҳа маслаҳатчилари саволларни тушунтириб беришлари мумкин, аммо ҳамкорлик ғояси гуруҳнинг ўзи томонидан ишлаб чиқилиши ва келишилиши лозим.
4. Тўлдирилган аризани 2026 йил 30 октябрга қадар Асосий гуруҳ координатори Ойбек Шукуровга Telegram орқали @dro_y_s аккаунтига юборинг. Аризани қўлда тўлдирсангиз, топшириш тартибини келишиш учун +998 90 322 11 74 рақамига қўнғироқ қилинг.

Муҳим: Иштирок этиш ихтиёрий ва бепул. Ариза топшириш ҳеч қандай ҳуқуқий ёки молиявий мажбуриятни келтириб чиқармайди ҳамда танлаб олиш, молиялаштириш ёки алоҳида молиявий ёрдам олишни кафолатламайди.

Аризалар 2026 йил 30 октябрга қадар қабул қилинади.

Қўшимча маълумот ва боғланиш учун

Ариза шакли, танлов шартлари ва лойиҳа янгиликлари учун @LVUZFarmCoop Telegram каналига обуна бўлинг. Саволлар бўйича қуйидаги масъуллар билан боғланишингиз мумкин:

Ойбек Шукуров (Асосий гуруҳ координатори): +998 90 322 11 74 | Telegram: @dro_y_s

Актам Азизов (Соҳа эксперти): +998 99 051 43 12 | Telegram: @azizovaktam

Would you like to improve the efficiency and income of your farm?

This EU-funded project focuses on household plot owners and dehkan farms in the relevant regions of the Republic of Uzbekistan, particularly in the Tashkent, Samarkand and Andijan regions. Farms and other agricultural producers may participate as members of the same initiative group. The project invites participants to work together to establish or strengthen agricultural cooperatives. Through cooperation, participants may reduce costs, exchange experience, plan more effectively in response to market demand and broaden marketing opportunities.

What support may be available through the project?

• Support to establish or strengthen an agricultural cooperative and prepare a cooperation plan.
• Practical advice and training on improving farm efficiency, planning, accounting, governance, quality standards and certification.
• Peer exchange with Latvian agricultural cooperatives and, for selected participants, a study visit to an EU Member State, subject to project procedures.
• Up to EUR 100,000 in financial support may be awarded to cooperatives selected from participating groups, in accordance with project rules.

Who may participate?

This open call is intended for household plot owners and dehkan farms operating in the Tashkent, Samarkand and Andijan regions. Farms, agricultural cooperatives, agricultural enterprises (including LLCs, JSCs and other legal forms) and other agricultural producers may participate alongside them as members of the same initiative group. Legal form or business status does not restrict participation.

Informal initiative groups, as well as agricultural cooperatives registered in the second half of 2025 or later, may also apply.

NB: If selected for project support, informal initiative groups must commit to establishing and legally registering an agricultural cooperative in accordance with applicable legislation. This requirement does not apply to groups already registered as agricultural cooperatives at the time of application. The project will provide guidance and support throughout the establishment and registration process.

Application procedure

1. Form an initiative group of at least seven participants.
2. Agree on the joint activity you wish to undertake and its economic rationale.
3. Complete the application form together as a group. The form is not a test: project advisers may clarify the questions, but the cooperation idea must be developed and agreed by the group itself.
4. Submit the completed application by 30 October 2026 to Oybek Shukurov, the Core Team Coordinator, via Telegram at @dro_y_s. If completing the form by hand, call +998 90 322 11 74 to agree the submission arrangements.

Important: Participation is voluntary and free of charge. Submitting an application creates no legal or financial obligation and does not guarantee selection, funding or individual financial assistance.

Applications are accepted until 30 October 2026.

Further information and contacts

For the application form, call conditions and project updates, follow the @LVUZFarmCoop Telegram channel. For questions, please contact:

Oybek Shukurov (Core Team Coordinator): +998 90 322 11 74 | Telegram: @dro_y_s

Aktam Azizov (Field Expert): +998 99 051 43 12 | Telegram: @azizovaktam